പറപ്പൂർ വേല; കോട്ടക്കലിൽ ഇന്ന് ഗതാഗത നിയന്ത്രണം

കോട്ടയ്ക്കൽ : പറപ്പൂർ കുറുംബക്കാവ് ക്ഷേത്രോത്സവത്തിന്റെ ഭാഗമായി വരവുകൾ കടന്നുപോകുന്നതിനാൽ കോട്ടയ്ക്കൽ ടൗണിൽ വെള്ളിയാഴ്ച ഗതാഗതനിയന്ത്രണം ഏർപ്പെടുത്തിയതായി സ്റ്റേഷൻ ഇൻസ്‌പെക്ടർ എം.കെ. ഷാജി അറിയിച്ചു. വൈകുന്നേരം അഞ്ചുമുതലാണ് വരവുകൾ ഇതുവഴി പോകുക. ഈ സമയം മുതൽ രാത്രിവരെ മലപ്പുറം ഭാഗത്തുനിന്ന് തിരൂർ, പുത്തനത്താണി ഭാഗങ്ങളിലേക്കു പോകുന്നവർ കോട്ടയ്ക്കൽ ടൗൺ ഒഴിവാക്കി ബൈപ്പാസിലൂടെ പോകണം. തിരിച്ച് മലപ്പുറം ഭാഗത്തേക്കുള്ള വാഹനങ്ങളും ബൈപ്പാസ് ഉപയോഗിക്കണം. പറപ്പൂർ റോഡ് വഴിയുള്ള ഗതാഗതവും കുറയ്ക്കണം. താഴെ കോട്ടയ്ക്കൽ, കോട്ടപ്പടി ഭാഗങ്ങളിലും ഗതാഗതനിയന്ത്രണമുണ്ടാകും.