കുറ്റിപ്പുറം പാലത്തിൽ ഇന്നു രാത്രി ഗതാഗത നിയന്ത്രണം

കുറ്റിപ്പുറം: കുറ്റിപ്പുറം പാലം കമാനത്തിന്റെ തകർന്ന ബീമുകളുട പുനർനിർമാണം ബുധനാഴ്ച രാത്രി 11 മുതൽ മൂന്നുവരെ നടക്കും. ഈ സമയത്ത് ഭാഗിക ഗതാഗത നിയന്ത്രണം ഏർപ്പെടുത്തും. ‌എടപ്പാൾ-പൊന്നാനി ഭാഗത്തുനിന്ന്‌ വരുന്ന വാഹനങ്ങൾ നരിപ്പറമ്പ് വഴി ചമ്രവട്ടം പാലത്തിലൂടെ പോകണം. കോഴിക്കോടുനിന്നും തൃശ്ശൂർ ഭാഗത്തേക്ക് പോകുന്ന വാഹനങ്ങൾ തിരൂർ ചമ്രവട്ടം പാലം വഴിയോ വളാഞ്ചേരി-തിരുവേഗപ്പുറ-വെള്ളിയാങ്കല്ല്-തൃത്താല-പെരുമ്പിലാവ് വഴിയോ പോകണമെന്നും കുറ്റിപ്പുറം പോലീസ് അറിയിച്ചു. രണ്ടാഴ്ച മുൻപ് ലോറിയിൽ കയറ്റിക്കൊണ്ടുപോകുകയായിരുന്ന മണ്ണുമാന്തിയന്ത്രം തട്ടിയാണ് കമാനത്തിന്റെ ബീമുകൾ തകർന്നത്.