വെൽഫെയർ പാർട്ടി സംസ്ഥാന സമ്മേളനം; മലപ്പുറം നഗരത്തിൽ ഇന്ന് ഗതാഗത നിയന്ത്രണം

മലപ്പുറം : വെൽഫെയർ പാർട്ടി സംസ്ഥാന സമ്മേളനത്തിന്റെ പ്രകടനത്തിലേക്കും സമ്മേളനത്തിലേക്കും വരുന്ന വാഹനങ്ങൾ കാവുങ്ങൽ ജങ്ഷനിൽനിന്ന് വലതുവശം കോഴിക്കോട് റോഡിലേക്കു കയറി എം.എസ്.പി.ക്കു സമീപം ആളുകളെ ഇറക്കണമെന്ന് ട്രാഫിക് പോലീസ് അറിയിച്ചു.

രാവിലെ 11 മുതൽ വാഹനങ്ങൾ എത്തിത്തുടങ്ങുമെന്ന് ഭാരവാഹികൾ അറിയിച്ചു. 2.30-ന് എം.എസ്.പി.യിൽനിന്ന് പ്രകടനം ആരംഭിച്ച് സമ്മേളന നഗരിയായ വലിയങ്ങാടിയിൽ സമാപിക്കും. ചെറുവാഹനങ്ങൾ വലിയങ്ങാടി സമ്മേളന നഗരിക്ക് സമീപമുള്ള മൈതാനത്ത് പാർക്ക്ചെയ്യണം.

കോട്ടയ്ക്കൽ ഭാഗത്തുനിന്ന് പ്രവർത്തകരുമായിവരുന്ന ബസുകൾ കോട്ടയ്ക്കൽ റോഡ്, ബൈപ്പാസ് റോഡ് എന്നിവിടങ്ങളിൽ പാർക്ക്ചെയ്യണം. വേങ്ങര ഭാഗത്തുനിന്നുള്ളവർ വിദ്യാനഗർ കാമ്പസ് പാർക്കിലും കോഴിക്കോട് ഭാഗത്തുനിന്നു വരുന്നവർ കിഴക്കേതല കോഴിക്കോട് റോഡിലും മഞ്ചേരി ഭാഗത്തുനിന്നുള്ളവർ സമ്മേളന നഗരിക്കു സമീപവും ബസുകൾ പാർക്ക്ചെയ്യണം.