വിദ്യാർഥികൾക്കും രക്ഷിതാക്കൾക്കും തുണിസഞ്ചി നിർമാണത്തിൽ പരിശീലനം നൽകി വടക്കുംപുറം ഗവ. എൽ.പി. സ്കൂൾ

എടയൂർ: വിദ്യാർഥികൾക്കും രക്ഷിതാക്കൾക്കും തുണിസഞ്ചി നിർമാണത്തിൽ പരിശീലനം നൽകി വടക്കുംപുറം ഗവ. എൽ.പി. സ്കൂൾ. ഹരിതവിദ്യാലയം പദ്ധതിയുടെ ഭാഗമായാണ് പരിശീലനം. എടയൂർ ഗ്രാമപ്പഞ്ചായത്തംഗം പി.എം. മുഹമ്മദ് ഉദ്ഘാടനംചെയ്തു. പി.ടി.എ. പ്രസിഡന്റ് എ.പി. നാസർ അധ്യക്ഷത വഹിച്ചു. എസ്.എസ്.കെ. കുറ്റിപ്പുറം ബ്ലോക്ക് പ്രോജക്ട് ഓഫീസർ അബ്ദുൽസലീം പദ്ധതി വിശദീകരിച്ചു. എസ്.എം.സി. ചെയർമാൻ എ.പി. അസീസ്, പൂർവവിദ്യാർഥി സംഘടനാ പ്രസിഡന്റ് എ.കെ. മാനു, വി.കെ. ശിഹാബ്, കെ.കെ. യൂസഫ്, പ്രഥമാധ്യാപകൻ ടി.പി. അബ്ബാസ്, സ്റ്റാഫ് സെക്രട്ടറി കെ. മുഹമ്മദാലി എന്നിവർ പ്രസംഗിച്ചു.