പുത്തനത്താണി-തിരുനാവായ റോഡിൽ ഇഖ്ബാൽ നഗറിൽ വാഹനങ്ങൾക്കും യാത്രക്കാർക്കും ഭീഷണിയായി ചീനിമരം

തിരുനാവായ : പുത്തനത്താണി-തിരുനാവായ റോഡിൽ ഇഖ്ബാൽ നഗറിൽ റോഡിലേക്കു ചാഞ്ഞുനിൽക്കുന്ന ചീനിമരം യാത്രക്കാർക്കും വാഹനങ്ങൾക്കും ഭീഷണിയാകുന്നു. മരത്തിനു തൊട്ടടുത്തുകൂടി വൈദ്യുതിക്കമ്പികളും പോകുന്നുണ്ട്. ഏതുനിമിഷവും മരം പൊട്ടിവീഴാനുള്ള സാധ്യതയുണ്ട്. ചീനിമരത്തിന്റെ ഉൾഭാഗം ദ്രവിച്ചനിലയിലാണ്. തിരക്കേറിയ റോഡാണിത്. ഇവിടെത്തന്നെയാണ് യാത്രക്കാർ വാഹനം കാത്തുനിൽക്കുന്നതും. നാട്ടുകാർ തിരുനാവായ പഞ്ചായത്തധികൃതർക്കും പൊതുമരാമത്ത് വിഭാഗത്തിനും പരാതി നൽകിയെങ്കിലും നടപടിയുണ്ടായിട്ടില്ല. അപകടമുണ്ടാകുന്നതിനു മുൻപ് ചീനിമരം മുറിച്ചുമാറ്റണമെന്ന് യാത്രക്കാരും നാട്ടുകാരും ആവശ്യപ്പെട്ടു.