കാടാമ്പുഴ ദേവസ്വം ഡയാലിസിസ് സെന്റർ ട്രയൽ റൺ തുടങ്ങി

വളാഞ്ചേരി : കാടാമ്പുഴ ഭഗവതീ ദേവസ്വം ആരംഭിക്കുന്ന സൗജന്യ ഡയാലിസിസ് കേന്ദ്രത്തിന്റെ ട്രയൽ റൺ തുടങ്ങി. മലബാർ ദേവസ്വം ബോർഡ് പ്രസിഡന്റ് എം.ആർ. മുരളി ഭദ്രദീപം തെളിച്ച് തുടക്കം കുറിച്ചു.

ദേവസ്വം ബോർഡ് കമ്മിഷണർ പി. നന്ദകുമാർ, കോഴിക്കോട് ഡി.എം.ഒ. ഡോ. പീയൂസ് നമ്പൂതിരിപ്പാട്, എക്സ്‌ക്യുട്ടീവ് ഓഫീസർ എ.എസ്. അജയകുമാർ, ജൂണിയർ സൂപ്രണ്ട് സി.സി. ദിനേഷ്, ദേവസ്വം മാനേജർ എൻ.വി. മുരളീധരൻ, ദേവസ്വം മെഡിക്കൽ ഓഫീസർ ഡോ. നമിത, എൻജിനീയർ കെ. വിജയകൃഷ്ണൻ, സൂപ്രണ്ട് പി.കെ. രവി, ഫാർമസിസ്റ്റ് കെ. വേണുഗോപാൽ എന്നിവർ പ്രസംഗിച്ചു. ഈ മാസമാണ് കേന്ദ്രത്തിന്റെ ഔപചാരികമായ ഉദ്ഘാടനം നടക്കക. മുഖ്യമന്ത്രി പിണറായി വിജയൻ ഉദ്ഘാടനംചെയ്യും. സെന്റർ പൂർണതോതിൽ പ്രവർത്തനം തുടങ്ങുന്നതോടെ ദിവസവും നൂറ് പേർക്ക് ഡയാലിസിസ് ചെയ്യാനുള്ള സൗകര്യമുണ്ടാകും.