കുളമംഗലത്ത് ലോറിയിൽ പിക്കപ്പിടിച്ച് അപകടം; ആളപായമില്ല

വളാഞ്ചേരി: സംസ്ഥാന പാത 73ൽ വളാഞ്ചേരി കുളമംഗലത്ത് ലോറിയും പിക്കപ്പും തമ്മിൽ കൂട്ടിയിടിച്ചു. അപകടത്തിൽ ഇരുവാഹനങ്ങളിലെയും യാത്രക്കാർക്ക് നിസ്സാര പരിക്കേറ്റു. ഇന്ന് പുലർച്ചെ അഞ്ചരയോടെയാണ് അപകടമുണ്ടായത്. കുളമംഗലത്ത് മുമ്പ് പ്രവർത്തിച്ചിരുന്ന കെ എസ് ഇ ബി ഓഫീസിന് സമീപമാണ് അപകടമുണ്ടായത്. പെരിന്തൽമണ്ണ ഭാഗത്തേക്ക് പോവുകയായിരുന്ന ലോറിയും വളാഞ്ചേരി ഭാഗത്തേക്ക് വരികയായിരുന്ന മഹിന്ദ്ര ബൊലേറോ പിക്കപ്പും തമ്മിലാണ് കൂട്ടിയിടിച്ചത്. ഇരു വാഹനങ്ങളും ഇറച്ചിക്കോഴികളുമായി പോകുന്നവയായിരുന്നു.