കരേക്കാട് അച്ഛനും മകനുംനേരെ ആക്രമണം: രണ്ടുേപർ അറസ്റ്റിൽ

വളാഞ്ചേരി : കരേക്കാട് ചേനാടൻകുളമ്പിൽ അച്ഛനെയും മകനെയും ആക്രമിച്ച കേസിലെ രണ്ടുപേർ അറസ്റ്റിൽ. ചേനാടൻകുളമ്പ് ആയമ്പള്ളി കിളിയമ്മണ്ണിൽ ബദറുദ്ദീൻ (40), ചേനാടൻകുളമ്പ് നെല്ലീരിത്തൊടി മുനവിർ (33) എന്നിവരെയാണ് വളാഞ്ചേരി പോലീസ് അറസ്റ്റു ചെയ്തത്. ചേനാടൻകുളമ്പ് നെല്ലീരിത്തൊടി സൈനുദ്ദീൻ (57), മകനും സോഫ്റ്റ്‌വേർ എൻജിനീയറുമായ മൻസൂർ (29) എന്നിവരെയാണ് ഇവർ ആക്രമിച്ചത്. ചേനാടൻകുളമ്പ് അങ്ങാടിയിൽവെച്ചായിരുന്നു അക്രമണം. ആക്രമിച്ചവരും പരിക്കേറ്റവരും അടുത്ത ബന്ധുക്കളാണെന്ന് പോലീസ് പറഞ്ഞു. മാർച്ച് പത്തിനായിരുന്നു സംഭവം. പ്രതികൾ ജില്ലാകോടതിയിലും ഹൈക്കോടതിയിലും മുൻകൂർ ജാമ്യത്തിന് ശ്രമിച്ചെങ്കിലും ലഭിച്ചില്ല. തുടർന്നാണ് പോലീസ് അറസ്റ്റുചെയ്തതും തെളിവെടുപ്പിന് കൊണ്ടുവന്നതും. തിരൂർ കോടതിയിൽ ഹാജരാക്കിയ പ്രതികളെ റിമാൻഡുചെയ്തു.