വളാഞ്ചേരിയിൽ വാഹനത്തിലെ ബാറ്ററി മോഷ്ടിച്ച രണ്ടുപേർ അറസ്റ്റിൽ

വളാഞ്ചേരി : വാഹനത്തിൽനിന്ന് ബാറ്ററി മോഷ്ടിച്ച സംഭവത്തിൽ അതിഥിത്തൊഴിലാളി ഉൾപ്പെടെ രണ്ടുപേർ അറസ്റ്റിൽ. കരിപ്പോൾ കഞ്ഞിപ്പുരയിലെ തിരുനെല്ലി വീട്ടിൽ ഷംസുദ്ദീൻ(53), ഝാർഖണ്ഡ് ഹസാരിബാഗ് മഗ്‌വൻ താനെ ഗരുഖരോവിലെ അഭിമന്യു യാദവ്(26) എന്നിവരെയാണ് വളാഞ്ചേരി എസ്.എച്ച്.ഒ. ബഷീർ ചിറക്കലിന്റെ നേതൃത്വത്തിലുള്ള പോലീസ് സംഘം അറസ്റ്റുചെയ്തത്. ദേശീയപാത 66-ന്റെ നിർമാണം നടത്തുന്ന കെ.എൻ.ആർ.സി.എല്ലിന്റെ ഉടമസ്ഥതയിലുള്ള വാഹനത്തിന്റെ ബാറ്ററിയാണ് ഇവർ മോഷ്ടിച്ചതെന്ന് പോലീസ് പറഞ്ഞു.