എടവണ്ണ മുണ്ടേങ്ങര വാഹനാപകടം; രണ്ട് മരണം

എടവണ്ണ മുണ്ടേങ്ങര വാഹനാപകടം, രണ്ട് മരണം. കുനിയിൽ സ്വദേശി ഇരുമോടത്ത് മുഹമ്മദിന്റെ മക്കളായ മെഹ്‌റൂഫ് (30), ജാസ്മോൾ (35) എന്നിവരാണ് മരിച്ചത്.

എടവണ്ണ ഒതായി റൂട്ടിൽ മുണ്ടേങ്ങര അങ്ങാടി കഴിഞ്ഞ ഉടനെ ഉള്ള വളവിൽ വെച്ച് ബസ്സും ജീപ്പും കൂട്ടിയിടിക്കുകയായിരുന്നു. ജീപ്പിലുളള യാത്രക്കാരെ ഉടൻ എടവണ്ണ സ്വകാര്യ ഹോസ്പിറ്റലിൽ എത്തിച്ചു.

ഗുരുതരമായി പരിക്ക് പറ്റിയ രണ്ട് പേരെ കോഴിക്കോട് മെഡിക്കൽ കോളേജിലേക്ക് ERF അംഗങ്ങളും നാട്ടുകാരും ചേർന്ന് കൊണ്ടു പോയെങ്കിലും ജീവൻ രക്ഷിക്കാൻ കഴിഞ്ഞില്ല.