വെട്ടിച്ചിറയിൽ കാറും ബൈക്കും കൂടിയിടിച്ച് രണ്ടുപേർക്ക് പരിക്ക്

വെട്ടിച്ചിറ: ബുധനാഴ്ച്ച വൈകീട്ട് അഞ്ച് മുപ്പതോടെയാണ് അപകടം സംഭവിച്ചത്.ദേശീയ പാത വെട്ടിച്ചിറ ബംഗ്ലാവ് വീടിന് സമീപം പാതയിൽ നിന്നും മറ്റൊരു റോഡിലേക്ക് വാഹനം തിരിഞ്ഞ് കയറുമ്പോഴായിരുന്നു അപകടം. അപകടത്തിൽ ബൈക്ക് യാത്രികനായ എടച്ചലം സ്വദേശിക്ക് തലയ്ക്ക് സാരമായി പരിക്കേറ്റു.ഇയാളെ ചങ്കുവെട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

സ്ഥിരം അപകടമേഖലയായി മാറിയിരിക്കുന്ന ഈ ഭാഗങ്ങളിൽ അരഡസനോളം അപകടങ്ങളാണ് ഇക്കഴിഞ്ഞ മാസങ്ങളിലായി നടന്നത്. ചെറു റോഡുകൾ ചേരുന്ന ഭാഗമായതിനാൽ അമിത വേഗത്തിലെത്തുന്ന വാഹനങ്ങളാണ് ഇവിടെ കൂടുതലായി അപകടത്തിൽ പെടുന്നത്.