16 വയസ്സിൽ താഴെയുള്ള ആൺകുട്ടികളുടെ ജില്ലാ ക്രിക്കറ്റ് ടീം തിരഞ്ഞെടുപ്പ് 14-ന്

പെരിന്തൽമണ്ണ: 16 വയസ്സിൽ താഴെയുള്ള ആൺകുട്ടികളുടെ അന്തർജില്ലാ മത്സരങ്ങൾക്കുള്ള ജില്ലാ ക്രിക്കറ്റ് ടീമിന്റെ തിരഞ്ഞെടുപ്പ് 14-ന് രാവിലെ ഒൻപതിന് പെരിന്തൽമണ്ണ ക്രിക്കറ്റ് സ്റ്റേഡിയത്തിൽ നടത്തും.

പങ്കെടുക്കാനാഗ്രഹിക്കുന്നവർ രാവിലെ വയസ്സ് തെളിയിക്കുന്നതിനുള്ള രേഖകളും രജിസ്‌ട്രേഷൻഫീസും കളിയുപകരണങ്ങളും ക്രിക്കറ്റ് യൂണിഫോമും (വെള്ളയും വെള്ളയും) സഹിതം എത്തണമെന്ന് മലപ്പുറം ജില്ലാ ക്രിക്കറ്റ് അസോസിയേഷൻ സെക്രട്ടറി അറിയിച്ചു. പങ്കെടുക്കുന്നവർ 2006 സെപ്തംബർ ഒന്നിനോ ശേഷമോ ജനിച്ചവരായിരിക്കണം.