ഹൈദരാബാദിൽ പുതിയ കോൺസുലേറ്റ് തുറന്ന് യുഎഇ

ന്യൂഡൽഹി:ഹൈദരാബാദിലെ പുതിയ യു.എ.ഇ കോൺസുലേറ്റ് കേന്ദ്രവിദേശകാര്യ സഹമന്ത്രി വി. മുരളീധരനും യു.എ.ഇ മന്ത്രി അഹമ്മദ് അലി അൽ സയേഗും ചേർന്ന് ഉദ്ഘാടനം ചെയ്‌തു.
പുതിയ കോൺസുലേറ്റ് ഇരുരാജ്യങ്ങൾക്കുമിടയിലുള്ള വാണിജ്യ-നിക്ഷേപ സൗഹൃദം കൂടുതൽ ആഴത്തിലാക്കുമെന്ന് വി.മുരളീധരൻ പറഞ്ഞു. ഇരുരാജ്യങ്ങളിലെയും പൗരന്മാർക്കിടയിലുള്ള ബന്ധം ശക്തിപ്പെടുത്താനും കോൺസുലേറ്റിന്റെ സാന്നിധ്യം സഹായിക്കുമെന്നും മന്ത്രി ചൂണ്ടിക്കാട്ടി.