കോട്ടയ്ക്കൽ മണ്ഡലം യു.ഡി.എഫ്. സ്ഥാനാർഥി ആബിദ്ഹുസൈൻ തങ്ങൾ മാറാക്കര പഞ്ചായത്തിൽ പ്രചാരണം നടത്തി

മാറാക്കര: കോട്ടയ്ക്കൽ മണ്ഡലം യു.ഡി.എഫ്. സ്ഥാനാർഥി ആബിദ്ഹുസൈൻ തങ്ങൾ വെള്ളിയാഴ്ച പ്രചാരണത്തിനിറങ്ങിയത് മാറാക്കര പഞ്ചായത്തിൽ. രാവിലെ എട്ടരയോടെ മുള്ളൻമടയിൽനിന്ന് തുടങ്ങിയ പര്യടനം വട്ടപ്പറമ്പ്, ഏർക്കര, മരുതിൻചിറ, മുനമ്പം, പറപ്പൂർ, കരേക്കാട് നോർത്ത്, ജാറത്തിങ്ങൽ, ചിത്രംപള്ളി, തുവ്വപ്പാറ, പിലാത്തറ, പാറമ്മൽ, കാടാമ്പുഴ, പള്ളിയാൽ, ചന്തപ്പറമ്പ്, മജീദ്കുണ്ട് എന്നിവിടങ്ങളിലൂടെ കടന്നുപോയി.

മരവട്ടം പോളിടെക്‌നിക്കിലെത്തി വിദ്യാർഥികളോട് സംവദിച്ചു. കുടുംബയോഗങ്ങളിലും സ്ഥാനാർഥി പങ്കെടുത്തു. വിവിധ സ്വീകരണകേന്ദ്രങ്ങളിൽ വി. മധുസൂദനൻ, ബഷീർ രണ്ടത്താണി, എ.പി. മൊയ്തീൻകുട്ടി, മൂർക്കത്ത് ഹംസ, പി. ഇഫ്ത്തിക്കാറുദ്ദീൻ, ഒ.കെ. സുബൈർ, തുറക്കൽ അബൂബക്കർ, കെ.പി. സുരേന്ദ്രൻ, ഒ.കെ. കുഞ്ഞുട്ടി തുടങ്ങിയവർ പ്രസംഗിച്ചു. ശനിയാഴ്ച കുറ്റിപ്പുറം പഞ്ചായത്തിലാണ് പര്യടനം.