രാഹുൽ ഗാന്ധിയുടെ സ്ഥാനാർഥിത്വം; യു.ഡി.എഫ്. ആഹ്ലാദപ്രകടനം

വളാഞ്ചേരി: എ.ഐ.സി.സി. അധ്യക്ഷൻ രാഹുൽ ഗാന്ധി വയനാട് ലോക്‌സഭാ മണ്ഡലത്തിൽനിന്നും മത്സരിക്കാൻ തീരുമാനിച്ചതിൽ ആഹ്ളാദം പ്രകടിപ്പിച്ച് വളാഞ്ചേരി മണ്ഡലം യു.ഡി.എഫ്. കമ്മിറ്റി നഗരത്തിൽ പ്രകടനം നടത്തി.

രാഹുൽ ഗാന്ധിക്ക് അഭിവാദ്യമർപ്പിച്ച് നടന്ന പ്രകടനത്തിന് പറശ്ശേരി അസൈനാർ, സി.എച്ച്. അബൂയൂസഫ് ഗുരുക്കൾ, കെ.വി. ഉണ്ണിക്കൃഷ്ണൻ, സലാം വളാഞ്ചേരി, പി. സുരേഷ്, മുഹമ്മദാലി നീറ്റുകാട്ടിൽ തുടങ്ങിയവർ നേതൃത്വംനൽകി.