അനധികൃത മദ്യക്കച്ചവടം:മരവട്ടത്ത് ഒരാള്‍ പിടിയില്‍
കാടാമ്പുഴ: മരവട്ടത്ത് അനധികൃത മദ്യക്കച്ചവടം നടത്തുന്നതിനിടെ ഒരാള്‍ പിടിയില്‍. മാനന്തവാടി വാരാട് സ്വദേശി ഷൗക്കത്തലിയാണ്(45) കുറ്റിപ്പുറം എക്‌സൈസിന്റെ പിടിയിലായി. ഫോണ്‍ മുഖാന്തരം ആവശ്യപ്പെടുന്നവര്‍ക്ക് ഇരുചക്രവാഹനത്തില്‍ മദ്യം എത്തിച്ചുകൊടുക്കുകയായിരുന്നു പതിവ്. ഓണത്തോടനുബന്ധിച്ചുള്ള എക്‌സൈസിന്റെ പരിശോധനയിലാണ് ഇയാളെ പിടികൂടിയത്. എക്‌സെസ് ഇന്‍സ്‌പെക്ടര്‍ വി.ജെ. റോയിയുടെ നേതൃത്വത്തിലുള്ള സംഘം ദിവസങ്ങളായി പരാതിയുള്ള സ്ഥലങ്ങള്‍ നിരീക്ഷിച്ചുവരികയായിരുന്നു. ബിവറേജ് ഔട്ട്‌ലെറ്റില്‍നിന്ന് വാങ്ങുന്ന മദ്യം ആവശ്യക്കാര്‍ക്ക് നല്‍കുകയായിരുന്നു. ഒരാള്‍ക്ക് അനുവദനീയമായ അളവിലുള്ള മദ്യം പലതവണകളായി വാങ്ങിയാണ് ഇയാള്‍ മദ്യം ശേഖരിച്ചിരുന്നത്. വില്‍പ്പനയ്ക്കായി ഉപയോഗിക്കുന്ന വാഹനവും കസ്റ്റഡിയിലെടുത്തിട്ടുണ്ട്. അഞ്ചുലിറ്റര്‍ വിദേശമദ്യവും ഇയാളില്‍നിന്ന് പിടികൂടി. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ രവീന്ദ്രനാഥ്, പ്രിവന്റീവ് ഓഫീസര്‍മാരായ രാജേഷ്, അഭിലാഷ്, സിവില്‍ എക്‌സൈസ് ഓഫീസര്‍മാരായ ഹംസ, ലതീഷ്, സാഗീഷ്, ഷിബു ശങ്കര്‍, ബാബുരാജ് എന്നിവരും എക്‌സൈസ് സംഘത്തിലുണ്ടായിരുന്നു.
Summary: One person hailing from Manathavady in Wayanad district was arrested by the Excise for selling liqor at kadampuzha
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
