അണ്ടർ-14 ജില്ലാ ക്രിക്കറ്റ് ടീം തിരഞ്ഞെടുപ്പ് ഓഗസ്റ്റ് മൂന്നിന്

പെരിന്തൽമണ്ണ: 14 വയസ്സിൽ താഴെയുള്ള ആൺകുട്ടികളുടെ ജില്ലാ ക്രിക്കറ്റ് ടീം തിരഞ്ഞെടുപ്പ് ഓഗസ്റ്റ് മൂന്നിന് 9.30-ന് പെരിന്തൽമണ്ണ ക്രിക്കറ്റ് സ്റ്റേഡിയത്തിൽ നടക്കും. 2019-20 സീസണിലേക്കുള്ള ഉത്തരമേഖലാ അന്തർജില്ലാ മത്സരങ്ങൾക്കുള്ള ടീമിനെയാണ് തിരഞ്ഞെടുക്കുന്നത്.

പങ്കെടുക്കാൻ താത്പര്യമുള്ളവർ വയസ്സ്‌ തെളിയിക്കുന്നതിനുള്ള രേഖകളും രജിസ്‌ട്രേഷൻഫീസും കളി ഉപകരണങ്ങളും ക്രിക്കറ്റ് യൂണിഫോമും സഹിതം എത്തണമെന്ന് ജില്ലാ ക്രിക്കറ്റ് അസോസിയേഷൻ സെക്രട്ടറി അറിയിച്ചു. പങ്കെടുക്കുന്നവർ 2005 സെപ്തംബർ ഒന്നിനോ ശേഷമോ ജനിച്ചവരായിരിക്കണം.