16 വയസ്സിനും 23 വയസ്സിനും താഴെയുള്ള ജില്ലാ വനിതാ ക്രിക്കറ്റ് ടീം തിരഞ്ഞെടുപ്പ് 14-ന്

പെരിന്തൽമണ്ണ : 16 വയസ്സിനും 23 വയസ്സിനും താഴെയുള്ള അന്തർജില്ലാ മത്സരങ്ങൾക്കായുള്ള മലപ്പുറം ജില്ലാ വനിതാ ക്രിക്കറ്റ് ടീമുകളുടെ തിരഞ്ഞെടുപ്പ് 14-ന് നടക്കും. രാവിലെ ഒൻപതിന് പെരിന്തൽമണ്ണ ക്രിക്കറ്റ് സ്റ്റേഡിയത്തിലാണ് തിരഞ്ഞെടുപ്പ്. പങ്കെടുക്കാൻ ആഗ്രഹിക്കുന്നവർ വയസ്സ് തെളിയിക്കുന്നതിനുള്ള രേഖകൾ, കളി ഉപകരണങ്ങൾ, ക്രിക്കറ്റ് യൂണിഫോം (വെള്ളയും വെള്ളയും) സഹിതം എത്തണമെന്ന് ജില്ലാ ക്രിക്കറ്റ് അസോസിയേഷൻ സെക്രട്ടറി അറിയിച്ചു. 16 വയസ്സിൽ താഴെയുള്ളവരുടെ വിഭാഗത്തിൽ പങ്കെടുക്കുന്നവർ 2006 സെപ്തംബർ ഒന്നിനോ ശേഷമോ ജനിച്ചവരും 23 വയസ്സിൽ താഴെയുള്ളവരുടെതിൽ പങ്കെടുക്കുന്നവർ 1999 സെപ്തംബർ ഒന്നിനോ ശേഷമോ ജനിച്ചവരുമായിരിക്കണം.