പ്രളയ സമയത്ത് സേവനമനുഷ്ഠിച്ച കെ.എസ്.ഇ.ബി, വില്ലേജ്, പോലീസ് ജീവനക്കാരെ വൈക്കത്തൂർ കൂട്ടായ്മ ആദരിച്ചു

വളാഞ്ചേരി:വൈക്കത്തൂർ കൂട്ടായ്മയുടെ ആഭിമുഖ്യത്തിൽ പ്രളയ സമയത്ത് സേവനമനുഷ്ഠിച്ച കെ.എസ്.ഇ.ബി, വില്ലേജ്, പോലീസ് ജീവനക്കാരെ ആദരിച്ചു. ചടങ്ങ് കോട്ടക്കൽ മണ്ഡലം എംഎൽഎ പ്രൊഫസർ ആബിദ് ഹുസൈൻ തങ്ങൾ ഉദ്ഘാടനംചെയ്തു.

നഗരസഭാ കൗൺസിലർമാരായ കെ.വി ഉണ്ണികൃഷ്ണൻ, നൗഫൽ പാലാറ, ഡോക്ടർ എൻ മുഹമ്മദലി, ഡോക്ടർ ഹസീന വഹാബ്, കെഎസ്ഇബി എ.ഇ മനോജ് ബി.എ, ബഷീർ ബാബൂ ടി, വളാഞ്ചേരി പോലീസ് സബ് ഇൻസ്പെക്ടർ ടി ഗോപാലകൃഷ്ണൻ, എ.എസ്.ഐ മാരായ യു ഷംസുദ്ദീൻ, കെ അബൂബക്കർ സിദ്ദീഖ്, വില്ലേജ് ഓഫീസർ എൻ ജയശങ്കർ, അഷ്റഫ് പാലാറ, കെഎം നൗഫൽ, പി സാഹിർ, ഗഫൂർഷ പാലാറാ തുടങ്ങിയവർ സംസാരിച്ചു.