വൈക്കത്തൂർ ഉത്സവം ഇന്ന് കൊടിയേറും

വളാഞ്ചേരി : വൈക്കത്തൂർ മഹാദേവക്ഷേത്രത്തിലെ ഉത്സവം വെള്ളിയാഴ്ച കൊടിയേറും. വൈകീട്ട് ആറിന് തന്ത്രി കിഴക്കിനിയേടത്ത് മേക്കാട്ട് മാധവൻ നമ്പൂതിരിപ്പാടിന്റേയും അജിത് നമ്പൂതിരിപ്പാടിന്റേയും മുഖ്യകാർമികത്വത്തിലാണ് കൊടിയേറ്റ്. ക്ഷേത്രം ഊരാളൻ മഴുവഞ്ചേരി സുരേഷ് കുമാർ, മേൽശാന്തി വലിയകുന്ന് കാലടി മുണ്ടക്കിഴി നാരായണൻ നമ്പൂതിരി, ചെറുശേരി ഗൗതം നമ്പൂതിരി എന്നിവരുടെ സാന്നിധ്യത്തിലാണ് ചടങ്ങുകൾ.

ഉത്സവത്തിന്റെ ഭാഗമായി വ്യാഴാഴ്ച വൈകുന്നേരം ബിംബശുദ്ധിക്രിയകൾ നടന്നു. കോവിഡിനെത്തുടർന്ന് മാറ്റിവെച്ച ഉത്സവമാണ് ആചാരവിധിപ്രകാരം ആഘോഷിക്കുന്നത്. ചടങ്ങുകൾ ആറിന് സമാപിക്കും.