വളാഞ്ചേരി നഗരസഭയിലേക്ക് പുതുതായി തിരഞ്ഞെടുക്കപ്പെട്ട കോൺഗ്രസ് കൗൺസിലർമാരെ സ്വീകരിച്ച് മണ്ഡലം കോൺഗ്രസ് കമ്മറ്റി

വളാഞ്ചേരി: വളാഞ്ചേരി നഗരസഭയിലേക്ക് തിരഞ്ഞെടുക്കപ്പെട്ട കോൺഗ്രസ് കൗണ്സിലർമാർക്ക് വളാഞ്ചേരി മണ്ഡലം കോൺഗ്രസ്‌ കമ്മിറ്റി സ്വീകരണം നൽകി. മണ്ഡലം പ്രസിഡന്റ്‌ പാറശ്ശേരി അസൈനാർ അധ്യക്ഷം വഹിച്ചു. വളാഞ്ചേരി സർവീസ് സഹകരണ ബാങ്കിലേക്ക് തിരഞ്ഞെടുത്ത ഡയറക്ടർമാരെയും ആദരിച്ചു.

കെ.വി ഉണ്ണികൃഷ്ണൻ, മുഹമ്മദ് പാറയിൽ, ഭക്തവത്സലൻ പി, പി.സി സന്തോഷ്‌ ബാബു, പി ഉമ്മർ, പി രാജൻ മാസ്റ്റർ, ശബാബ് വക്കരത്, എം വത്സൻ, ടി.വി ശ്രീകുമാർ, പി ഹബീബ്, പി മുത്തു, കെ.ടി ബാപ്പു, തുടങ്ങിയവർ പ്രസംഗിച്ചു.