സംസ്ഥാന വാഫി വഫിയ്യ കലോത്സവം: വളാഞ്ചേരി മർക്കസ് ചാമ്പ്യന്മാർ
വളാഞ്ചേരി : കോഴിക്കോട് നടന്ന സംസ്ഥാന വാഫി വഫിയ്യ കലോത്സവത്തിൽ വളാഞ്ചേരി മർക്കസ് ഓവറോൾ ചാമ്പ്യന്മാരായി. ബി. സോണിൽ മത്സരിച്ച മർക്കസ് കെ.എച്ച്.എം.ഐ.എ.സി. വാഫി കോളേജ് ഓവറോൾ കിരീടവും ആലിയ വിഭാഗത്തിൽ ചാമ്പ്യൻപട്ടവും നേടിയാണ് നേട്ടം കൈവരിച്ചത്. പെൺകുട്ടികളുടെ കലോത്സവത്തിൽ വളാഞ്ചേരി അൽഗൈസ് വഫിയ്യ കോളേജ് ഓവറോൾകിരീടവും ആലിയ, തംഹീദിയ വിഭാഗങ്ങളുടെ ചാമ്പ്യൻപട്ടങ്ങളും കരസ്ഥമാക്കി.
വിദ്യാർഥികളുടെ വ്യക്തിഗതനേട്ടങ്ങളും ഓവറോൾ വിജയത്തിന് മാറ്റുകൂട്ടി. അനുമോദനസംഗമം സി.ഐ.സി. ജനറൽസെക്രട്ടറി അബ്ദുൽ ഹക്കീം ഫൈസി ആദൃശേരി ഉദ്ഘാടനംചെയ്തു. മമ്മിക്കുട്ടി മുസ്‌ലിയാർ, ഡോ. റഫീഖ് അബ്ദുൽ ബർവാഫി, ഉസ്മാൻ ഫൈസി, മുഹമ്മദ് മുസ്‌ലിയാർ ആതവനാട്, ഷാഫി വാഫി, റഷാദ് വാഫി, സലാം വാഫി, റബീഅ വാഫി തുടങ്ങിയവർ പങ്കെടുത്തു. കോ -ഓർഡിനേഷൻ ഓഫ് ഇസ്‍ലാമിക് കോളേജസിന് കീഴിലുള്ള 100-ഓളം വാഫി വഫിയ്യ കോളേജുകൾക്കായി സംസ്ഥാന വാഫി സ്റ്റുഡന്റ്‌സ് ഫെഡറേഷനാണ് കലോത്സവം സംഘടിപ്പിച്ചത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
