കാലിക്കറ്റ് സർവകലാശാലാ ഇന്റർസോൺ ഖൊ-ഖൊ; പുരുഷ വിഭാഗത്തിൽ വളാഞ്ചേരി എം.ഇ.എസ് കോളേജ് ചാമ്പ്യൻമാർ

വളാഞ്ചേരി : കാലിക്കറ്റ് സർവകലാശാലാ ഇന്റർസോൺ ഖൊ-ഖൊ പുരുഷവിഭാഗം മത്സരത്തിൽ വളാഞ്ചേരി എം.ഇ.എസ്. കെ.വി.എം. കോളേജ് ചാമ്പ്യൻമാരായി. ഫൈനലിൽ തിരൂർ തുഞ്ചൻ മെമ്മോറിയൽ ഗവ. കോളേജിനെ ഒരു പോയിന്റിന്റെ മുൻതൂക്കത്തിലാണ് എം.ഇ.എസ്. കോളേജ് വളാഞ്ചേരി പരാജയപ്പെടുത്തിയത്. എം.ഇ.എസ്.കെ.വി.എം. കോളേജ് 14 പോയിന്റ്. ടി.എം.ജി.സി കോളേജ് 13 പോയിന്റ്.

ഉദ്ഘാടനം കാലിക്കറ്റ് സർവകലാശാലാ കായികവകുപ്പ് മേധാവി സക്കീർഹുസൈൻ ഉദ്ഘാടനംചെയ്തു. സഫ കോളേജ് പ്രിൻസിപ്പൽ ഡോ. പി.വി. നിതിൻ അധ്യക്ഷതവഹിച്ചു. എടയൂർ ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം, സർവകലാശാലാ മുൻ പരിശീലകൻ കേശവൻ, പി.കെ. അബ്ദുൽഷുക്കൂർ, കെ.പി. അമീൻ നവാസ്, സി. സുൽഫിക്കർ എന്നിവർ പ്രസംഗിച്ചു.