വനിതാ മതിലിൽ പങ്കെടുക്കാൻ വളാഞ്ചേരി നഗരസഭ മുൻ അധ്യക്ഷയും

വളാഞ്ചേരി: വനിതാ മതിലിൽ അണിചേരാൻ മുൻ മുസ്ലിം ലീഗ് വനിതാ നേതാവും. വളാഞ്ചേരി മുനിസിപ്പാലിറ്റി മുൻ അധ്യക്ഷയായ ഷാഹിന മുണ്ടശേരിയാണ് നവോത്ഥാന പാരമ്പര്യം കാത്തുസൂക്ഷിക്കാൻ നടത്തുന്ന പരിപാടിയിൽ പങ്കെടുക്കുമെന്ന്ര പ്രഖ്യാപിച്ചത്.

കേരളത്തിന്റെ നവോത്ഥാന പാരമ്പര്യവും സ്ത്രീ സമത്വവും സംരക്ഷിക്കാൻ നടത്തുന്ന പോരാട്ടത്തിൽ ജാതി–മത–രാഷ്ട്രീയവ്യത്യാസമില്ലാതെ എല്ലാ വനിതകളും കണ്ണിചേരണമെന്നും ഇവർ പറഞ്ഞു.വനിതാ മതിലിനെ വർഗീയമായി ചിത്രീകരിക്കാനുള്ള തല്പ്പരരകക്ഷികളുടെ നീക്കം മതേതര കേരളം തള്ളിക്കളയുമെന്നും അവർ വ്യക്തമാക്കി. നഗരസഭാ പ്രഥമ അധ്യക്ഷകൂടിയാണ് ഷാഹിന.