വളാഞ്ചേരി: നഗരസഭയുടെ സമഗ്രവികസനം ലക്ഷ്യമാക്കി മാസ്റ്റർ പ്ലാൻ

തയാറാക്കുന്നതിനുള്ള പ്രാരംഭ നടപടികൾക്കു തുടക്കമായി. കൃഷി, ജലസേചനം, പരിസ്ഥിതി, മൃഗസംരക്ഷണം, വാണിജ്യം, നഗരാസൂത്രണം, ആരോഗ്യം, ഖരമാലിന്യം, ശുചിത്വം, വിദ്യാഭ്യാസം, കായികം, വിനോദസഞ്ചാരം, പാർപ്പിടം, ദാരിദ്ര്യ ലഘൂകരണം, പട്ടികജാതി വികസനം, പൊതുഭരണം, ധനകാര്യം തുടങ്ങിയ കാര്യങ്ങളെപ്പറ്റിയുള്ള ചർച്ചാ സദസ്സുകൾ ഇതിന്റെ ഭാഗമായി നടത്തും.

ജില്ലാ ടൗൺ പ്ലാനറുടെ നേതൃത്വത്തിൽ 20 മുതൽ 22 വരെ വളാഞ്ചേരി നഗരസഭാ കൗൺസിൽ ഹാളിലാണ് സദസ്സ്. പദ്ധതി നിർവഹണ ഉദ്യോഗസ്ഥർ, വിവിധ മേഖലകളിലെ വിദഗ്ധർ, ജനപ്രതിനിധികൾ, വർക്കിങ് ഗ്രൂപ് അംഗങ്ങൾ തുടങ്ങിയവർ പങ്കെടുക്കും. അതത് വിഷയങ്ങളിൽ വളാഞ്ചേരിയുടെ വികസനം സംബന്ധിച്ച് നിർദേശങ്ങൾ സമർപ്പിക്കാൻ കഴിയുന്നവർ ചർച്ചാ സദസ്സിൽ പങ്കെടുക്കണമെന്ന് നഗരസഭാധ്യക്ഷ എം.ഷാഹിന അറിയിച്ചു.