ജനവാസകേന്ദ്രത്തിൽ തുറന്ന കള്ളുഷാപ്പിന് വളാഞ്ചേരി നഗരസഭയുടെ സ്റ്റോപ്പ് മെമ്മോ.

വളാഞ്ചേരി : കോഴിക്കോട് റോഡിൽ മരമില്ലിനുസമീപം ജനവാസകേന്ദ്രത്തിൽ തുറന്ന കള്ളുഷാപ്പിന് നഗരസഭയുടെ സ്റ്റോപ്പ് മെമ്മോ. റെസിഡൻഷ്യൽ കെട്ടിടം മുനിസിപ്പാലിറ്റിയുടെ ലൈസൻസില്ലാതെ വാണിജ്യാവശ്യത്തിന് ഉപയോഗിക്കുന്നത് ഗുരുതരമായ കുറ്റമാണെന്നു കാണിച്ചാണ് നഗരസഭാസെക്രട്ടറി കെട്ടിട ഉടമയ്ക്ക് നോട്ടീസ് നൽകിയത്.

ഞായറാഴ്ചയാണ് കള്ളുഷാപ്പ് പ്രവർത്തനം തുടങ്ങിയത്. ഉടനെ പ്രദേശവാസികൾ പ്രതിഷേധവുമായെത്തി. വിവരമറിഞ്ഞ് നഗരസഭാധ്യക്ഷൻ അഷറഫ് അമ്പലത്തിങ്ങൽ, ഏഴാംഡിവിഷൻ കൗൺസിലർ സാജിത എന്നിവരും സ്ഥലത്തെത്തി പ്രതിഷേധക്കാരുമായി സംസാരിച്ചു. ഷാപ്പിനെതിരേ നടപടിയുണ്ടാകുമെന്ന ഉറപ്പിനെത്തുടർന്നാണ് പ്രതിഷേധക്കാർ പിരിഞ്ഞത്.