വളാഞ്ചേരിയിൽ ചീട്ടുകളി സംഘത്തെ പിടികൂടി

വളാഞ്ചേരി: പണംവെച്ച് ചീട്ടുകളിയിൽ ഏർപ്പെട്ട അഞ്ചുപേരെ വളാഞ്ചേരി പോലീസ് അറസ്റ്റ്ചെയ്തു. വൈക്കത്തൂരിലെ കടയുടെ മുകളിലെനിലയിൽ പണംവെച്ച് ചീട്ടുകളിക്കുകയായിരുന്ന സംഘത്തെയാണ് വളാഞ്ചേരി ഇൻസ്‌പെക്ടർ എസ്.എച്ച്.ഒ ടി. മനോഹരന്റെ നേതൃത്വത്തിൽ പിടികൂടിയത്.

വളാഞ്ചേരി കരിയങ്ങാട്ടുകാവിൽ നാസർ (50), വൈക്കത്തൂർ ചിരയൻപറമ്പിൽ ഫൈസൽ (40), വൈക്കത്തൂർ കള്ളിയിൽ മങ്ങാട്ട് നൗഫൽ (35), കുളമംഗലം പരവക്കൽ അബ്ദുറഹ്‌മാൻ (43), എടയൂർ മനക്കൽപടി വിജയൻ (43) എന്നിവരുടെ പേരിൽ കേസ് രജിസ്റ്റർചെയ്തിട്ടുണ്ട്. ഇവരിൽനിന്ന്‌ 82,000 രൂപയും പിടിച്ചെടുത്തു. എ.എസ്.ഐ വി.ആർ. സത്യൻ, എസ്.സി.പി.ഒ അബ്ദുറഹ്‌മാൻ, സി.പി.ഒമാരായ പി. ജയകൃഷ്ണൻ, രാധാകൃഷ്ണൻ എന്നിവരും പോലീസ് സംഘത്തിലുണ്ടായിരുന്നു.