വളാഞ്ചേരി നഗരസഭ 2025- 26 വാർഷിക പദ്ധതി രൂപികരണത്തിന്റെ ഭാഗമായി വർക്കിംഗ് ഗ്രൂപ്പ് പൊതുയോഗം നടന്നു

വളാഞ്ചേരി:-വളാഞ്ചേരി നഗരസഭ 2025- 26 വാർഷിക പദ്ധതി രൂപികരണത്തിന്റെ ഭാഗമായി വർക്കിംഗ് ഗ്രൂപ്പ് പൊതുയോഗം സി.എച്ച് അബു യൂസഫ് ഗുരുക്കൾ സ്മാരക നഗരസഭ ടൗൺ ഹാളിൽ വെച്ച് നടന്നു. വർക്കിംഗ് ഗ്രൂപ്പ് യോഗം നഗരസഭ ചെയർമാൻ അഷ്റഫ് അമ്പലത്തിങ്ങൾ ഉദ്ഘാടനം ചെയ്തു.വൈസ് ചെയർപേഴ്സൺ റംല മുഹമ്മദ് അദ്ധ്യക്ഷത വഹിച്ചു. നഗരസഭ സെക്രട്ടറി എച്ച്.സീന പദ്ധതി വിശദീകരണം നടത്തി.വികസനകാര്യ സ്ഥിരം സമിതി അദ്ധ്യക്ഷൻ സി.എം റിയാസ് സ്വാഗതം പറഞ്ഞു.ക്ഷേമകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ ദീപ്തി ഷൈലേഷ്, ആരോഗ്യ സ്റ്റാൻ്റിംഗ് കമ്മിറ്റി ചെയർമാൻ മാരാത്ത് ഇബ്രാഹീം, മരാമത്ത് സ്റ്റാൻ്റിംഗ് കമ്മിറ്റി ചെയർ പേഴ്സൺ റൂബി ഖാലിദ്, ആസൂത്രണ സമിതി വൈസ് ചെയർമാൻ സി.അബ്ദുന്നാസർ,ആസൂത്രണ സമിതി അംഗങ്ങളായ പറശ്ശേറി അസൈനാർ,സലാം വളാഞ്ചേരി,ഇ.പി അച്ചുതൻ,നീറ്റുക്കാട്ടിൽ മുഹമ്മദാലി,സുരേഷ് പാറതൊടി,യു.കെ മുജീബ് റഹ്മാൻ,വി.പി സാലിഹ് തുടങ്ങിയവർ സംസാരിച്ചു. തുടർന്ന് 16 വർക്കിംഗ് ഗ്രൂപ്പുകളായി തിരിഞ്ഞ് പദ്ധതികൾ ചർച്ച ചെയ്യുകയും ശേഷം നിർദേഷങ്ങൾ അവതരിപ്പിക്കുകയും ചെയ്തു.ഈ മാസം 10മുതൽ 17 വരെയുള്ള വാർഡ് സഭകളിൽ നിർദേശങ്ങൾ ചർച്ച ചെയ്ത് അംഗീകരിക്കുകയും, പുതിയ പദ്ധതികളും നിർദേശിച്ച് വികസന സെമിനാറോട് കൂടി 2025- 26 വർഷത്തെ പദ്ധതികൾക്ക് രൂപീകരണമാകും.വിദ്യാഭ്യാസ കലാ-കായിക സ്റ്റാൻ്റിംഗ് കമ്മിറ്റി ചെയർമാൻ മുജീബ് വാലാസി നന്ദി പറഞ്ഞു.