തൊഴുവാനൂർ വള്ളിക്കാവ് മഹാക്ഷേത്രത്തിൽ ഭാഗവത സപ്താഹയജ്ഞത്തിന്റെ ഭാഗമായി ഉണ്ണിയൂട്ട് നടന്നു

വളാഞ്ചേരി : തൊഴുവാനൂർ വള്ളിക്കാവ് മഹാക്ഷേത്രത്തിൽ ഭാഗവത സപ്താഹയജ്ഞത്തിന്റെ ഭാഗമായി വ്യാഴാഴ്ച രാവിലെ ഉണ്ണിയൂട്ട് നടന്നു. തുടർന്ന് വിശേഷാൽപൂജകളും പുഷ്പാഞ്ജലികളും പ്രസാദഊട്ടുമുണ്ടായി. യജ്ഞത്തിന്റെ അഞ്ചാംദിവസമായ വെള്ളിയാഴ്ച ഭാഗവതത്തിലെ ബാലലീല, പൂതനാമോക്ഷം, വൃന്ദാവനയാത്ര, കാളിയമർദനം, ഗോവർദ്ധനോദ്ധാരണം, രുക്മിണീസ്വയംവരം തുടങ്ങിയ ഭാഗങ്ങളുടെ വായനയും കഥാകഥനവും നടക്കും. കൊല്ലം മഞ്ചല്ലൂർ സതീഷാണ് യജ്ഞാചാര്യൻ. വ്യാഴാഴ്ച വിദ്യാഗോപാലമന്ത്രാർച്ചനയുമുണ്ടായി.