വെണ്ടല്ലൂർ പറമ്പത്ത്കാവ് വേല ഇന്ന്

വളാഞ്ചേരി : വെണ്ടല്ലൂർ പറമ്പത്ത്കാവ് ഭഗവതീക്ഷേത്രത്തിലെ വേല വെള്ളിയാഴ്ച ആഘോഷിക്കും. രാവിലെ വിശേഷാൽപൂജകൾ നടക്കും. പതിനൊന്നിന് അന്നദാനം തുടങ്ങും. അന്നദാനത്തിനാവശ്യമായ ഉത്പന്നങ്ങൾ സമാഹരിക്കുന്ന കലവറ നിറയ്ക്കൽ ചൊവ്വാഴ്ച ആരംഭിച്ചു. വൈകുന്നേരം നാലിന് വിവിധ ദേശങ്ങളിൽനിന്നുള്ള വരവുകൾ കാവിലെത്തിത്തുടങ്ങും. രാത്രി പതിനൊന്നിന് നൃത്തശിൽപ്പത്തോടെ സ്റ്റേജ് പരിപാടികൾ തുടങ്ങും. പതിനൊന്നരയ്ക്ക് തൃശ്ശൂർ പാട്ടുകൂട്ടത്തിന്റെ നാടൻപാട്ടും പുലർച്ചെ രണ്ടിന് തിരുവനന്തപുരം ശ്രീനന്ദയുടെ നാടകം ബാലരമ അരങ്ങേറും.