വിഎഫ്എ അഖിലേന്ത്യ സെവൻസ് ടൂർണമെന്റ് തുടങ്ങി

വളാഞ്ചേരി: കൊട്ടാരം വിഎഫ്എ മൈതാനിയിൽ വളാഞ്ചേരി ഫുട്ബാൾ അസോസിയേഷന്റെ നേതൃത്വത്തിൽ ആരംഭിച്ച അഖിലേന്ത്യ സെവൻസ് ഫുട്ബാൾ ടൂർണമെന്റ് മന്ത്രി കെ.ടി.ജലീൽ ഉദ്ഘാടനം ചെയ്തു. വിഎഫ്എ പ്രസിഡന്റ് എൻ.അബൂബക്കർഹാജി ആധ്യക്ഷ്യം വഹിച്ചു.

ഡോ. എൻ.നിസാർമുഹമ്മദ്, ടി.എം.പത്മകുമാർ, ഇസ്മായിൽ ബഷീർ, ഡോ. എൻ.മുഹമ്മദലി, വളാഞ്ചേരി അഡീഷനൽ എസ്ഐ എം.ബിജു, യു.അബ്ദുൽഅസീസ്, പാറക്കൽ ബഷീർ, വി.സലീം, പനങ്കാവിൽ ഉമ്മർ, കെ.സൈതാലിക്കുട്ടി, എൻ.ബാബു, എൻ.അലി എന്നിവർ പ്രസംഗിച്ചു. ഗാനമേളയുമുണ്ടായി. ഉദ്ഘാടന മത്സരത്തിൽ മഞ്ചേരി ഫിഫ സ്പോർട്സും തലശ്ശേരി ടോപ്മോസ്റ്റും സമനിലയിൽ പിരിഞ്ഞു.