വിഎഫ്എ ഫുട്ബോൾ 18 മുതൽ; സ്റ്റേഡിയത്തിന് കാൽനാട്ടി

വളാഞ്ചേരി: വിഎഫ്എ സംഘടിപ്പിക്കുന്ന 16–ാമത് അഖിലേന്ത്യാ ഫുട്ബോൾ ടൂർണമെന്റ് 18നു തുടങ്ങും. അവലോകന യോഗത്തിൽ യു.അബ്ദുൽ അസീസ്, പനങ്കാവിൽ ഉമ്മർ, വി.സലീം, പി.സൈതാലിക്കുട്ടി ഹാജി, കെ.പി.യൂസഫ്, കെ.മോഹൻദാസ് എന്നിവർ പ്രസംഗിച്ചു. 18നു തുടങ്ങുന്ന വളാഞ്ചേരി അഖിലേന്ത്യാ സെവൻസ് ഫുട്ബോൾ ടൂർണമെന്റ് സ്റ്റേഡിയത്തിന്റെ കാൽനാട്ടുകർമം കെ.കെ.ആബിദ്ഹുസൈൻ തങ്ങൾ എംഎൽഎ നിർവഹിച്ചു. വളാഞ്ചേരി നഗരസഭാധ്യക്ഷ എം.ഷാഹിന, ഉപാധ്യക്ഷൻ കെ.വി.ഉണ്ണിക്കൃഷ്ണൻ, സി.രാമകൃഷ്ണൻ, ടി.പി.അബ്ദുൽഗഫൂർ, സി.അബ്ദുനാസർ, പി.പി.ഹമീദ്, ഡോ. എൻ.എം.മുജീബ്റഹ്മാൻ, അഷറഫ് അമ്പലത്തിങ്ങൽ, എൻ.അബൂബക്കർ ഹാജി എന്നിവർ പ്രസംഗിച്ചു.