വി.ആർ. പ്രേംകുമാർ പുതിയ മലപ്പുറം കളക്ടർ

മലപ്പുറം : ജില്ലാ കളക്ടർ കെ. ഗോപാലകൃഷ്ണനു സ്ഥലംമാറ്റം. എപ്ലോയ്‌മെന്റ് ആൻഡ് െട്രയിനിങ് വകുപ്പ് ഡയറക്ടറായാണ് മാറ്റം. ഈ തസ്തികയിലുണ്ടായിരുന്ന വി.ആർ. പ്രേംകുമാറാണ് പുതിയ മലപ്പുറം കളക്ടർ. കേരള അക്കാദമി ഓഫ് സ്കിൽസ് എക്‌സലൻസിന്റെ മാനേജിങ് ഡയറക്ടറുടെ അധിക ചുമതലകൂടി ഗോപാലകൃഷ്ണനു നൽകിയിട്ടുണ്ട്. വി.ആർ. പ്രേംകുമാർ നേരത്തെ സർവേ ഡയറക്ടർ, സാമൂഹികനീതി വകുപ്പ് ഡയറക്ടർ, ഹൗസിങ് കമ്മിഷണർ, ഹൗസിങ് ബോർഡ് സെക്രട്ടറി, ദേവികുളം സബ് കളക്ടർ തുടങ്ങിയ ചുമതലകൾ വഹിച്ചിട്ടുണ്ട്.