പൈങ്കണ്ണൂരിൽ നിയന്ത്രണം വിട്ട കാർ സ്കൂൾ കെട്ടിടത്തിലേക്ക് ഇടിച്ച് കയറി; ആളപായമില്ല

വളാഞ്ചേരി: ദേശീയപാത 66ൽ നിയന്ത്രണം വിട്ട കാർ സ്കൂൾ കെട്ടിടത്തിലേക്ക് ഇടിച്ച് കയറി അപകടം. ബുധനാഴ്ച പുലർച്ചെയാണ് അപകടമുണ്ടായത്. തൃശൂർ ഭാഗത്ത് നിന്ന് വന്ന മാരുതി സുസുക്കി വാഗൺ ആർ കാറാണ് അപകടത്തിൽ പെട്ടത്. ഇടുക്കിയിൽ നിന്ന് കോഴിച്ചെനയിലേക്ക് പോവുകയായിരുന്നവരാണ് നാലംഗ കുടുംബമാണ് കാറിലുണ്ടായിരുന്നത്. പൈങ്കണ്ണൂരിൽ ദേശീയപാതയോരത്ത് സ്ഥിതി ചെയ്യുന്ന സർക്കാർ യു. പി സ്കൂളിൻ്റെ അടുക്കള കെട്ടിടത്തിലേക്കാണ് നിയന്ത്രണം വിട്ട കാർ ഇടിച്ച് കയറിയത്. അപകടത്തിൽ ആളപായമില്ല. പോലീസ് സ്ഥലത്തെത്തി സ്ഥിതിഗതികൾ വിലയിരുത്തി. കെട്ടിടത്തിന് കാര്യമായ നാശനഷ്ടം സംഭവിച്ചു.