ആതവനാട് ഗ്രാമപഞ്ചായത്തിൽ ഉറവിട മാലിന്യസംസ്കരണ യൂണിറ്റ് വിതരണംചെയ്തുതുടങ്ങി

ആതവനാട്: ആതവനാട് ഗ്രാമപ്പഞ്ചായത്തിലെ ആയിരത്തിലധികം കുടുംബങ്ങൾക്ക് ഉറവിട മാലിന്യസംസ്കരണ യൂണിറ്റ് വിതരണം ചെയ്തു തുടങ്ങി. പഞ്ചായത്തിന്റെ ഗ്രീൻ ആതവനാട് കാമ്പയിന്റെ ഭാഗമായാണ് വിതരണം. ശുചിത്വ, മാലിന്യസംസ്കരണത്തിന്റെ ഫണ്ടുപയോഗിച്ചാണ് പദ്ധതി നടപ്പാക്കുന്നത്. വിതരണോദ്ഘാടനം ഗ്രാമപ്പഞ്ചായത്ത് പ്രസിഡന്റ് ടി.പി. സിനോബിയ നിർവഹിച്ചു. വൈസ് പ്രസിഡന്റ് കെ.പി. ജാസർ അധ്യക്ഷത വഹിച്ചു. സുനീറ ഫൈസൽ, ഷാഹിന ബഷീർ, എം.കെ. കുഞ്ഞുമുഹമ്മദ്, നാസർ പുളിക്കൽ, എം.സി. ഇബ്രാഹിം, സുഹറ അരീക്കാടൻ, റുബീന മുഹ്‌സിൻ, സെലീന മുസ്തഫ തുടങ്ങിയവർ പങ്കെടുത്തു.