ലിമിറ്റഡ് സ്റ്റോപ് ബസിന്റെ മരണപാച്ചില്‍; കരിപ്പോളില്‍ ബൈക്ക് യാത്രക്കാരന്‍ രക്ഷപ്പെട്ടത് തലനാരിഴക്ക്-വീഡിയോ കാണാം
വളാഞ്ചേരി: ദേശീയപാതകളില്‍ സ്വകാര്യ ബസുകളുടെ മരണപാച്ചിലും അതുമൂലമുണ്ടാകുന്ന ആപത്തുകളും തുടര്‍ക്കഥയാണ്. അത്തരത്തിലൊരു ദുരന്തമാണ് കഴിഞ്ഞ ദിവസം കരിപ്പോളില്‍ വച്ച് ഒഴിഞ്ഞുപോയത്. ദേശീയപാത 66ലെ കരിപ്പോള്‍ അങ്ങാടിയിലെ താജ് മാര്‍ബിള്‍സിന് മുന്നില്‍ വച്ചാണ് രാവിലെ പത്ത് മണിയോടടുപ്പിച്ച് അപകടമുണ്ടായത്.
മറ്റൊരു വലിയ വാഹനത്തെ മറികടന്നു പോകുകയായിരുന്ന ബസ് എതിരെ വന്ന ബൈക്ക് യാത്രക്കാരനെതിരെ അപകടകരമാം വിധം ഓടിച്ചെത്തുകയായിരുന്നു. ബസ് പാഞ്ഞുവരുന്നത് കണ്ട് ഭയന്ന് തന്റെ ബൈക്ക് വെട്ടിച്ച യുവാവ് റോഡില്‍ തെന്നി വീഴുകയും ചെയ്തു. ബൈക്കില്‍ നിന്നുള്ള വീഴ്ചയില്‍ നിസാര പരിക്കേറ്റതൊഴിച്ചാല്‍ ഇദ്ദേഹത്തിന് മറ്റ് കുഴപ്പങ്ങളില്ല. ഇയാള്‍ മറിഞ്ഞത് ഇടതുവശത്തായതുകാരണം തന്റെ ജീവന്‍ തിരിച്ചു കിട്ടിയ സമാധാ‍നത്തിലാണ് യുവാവ്.
തൃശൂര്‍ ഭാഗത്തു നിന്ന് കോഴിക്കോട് ഭാഗത്തേക്ക് പോകുകയായിരുന്നു ബസ്. ബൈക്ക് യാത്രക്കാരന്‍ വീഴുന്നത് ബസിന്റെ ഡ്രൈവര്‍ക്ക് കാണാനാകുന്ന സ്ഥിതിയിലായിരുന്നെങ്കിലും അവര്‍ നിര്‍ത്താതെ കടന്ന് പോയത് ജനങ്ങളില്‍ പ്രതിഷേധത്തിനു കാരണമായി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
