ദേശീയ പണിമുടക്ക്; തൊഴിലാളി യൂണിയനുകൾ വളാഞ്ചേരിയിൽ പ്രകടനവും പൊതുയോഗവും നടത്തി

വളാഞ്ചേരി: കേന്ദ്ര സർക്കാരിന്റെ നയങ്ങളിൽ പ്രതിഷേധിച്ച് നടത്തുന്ന ദേശീയ പണിമുടക്കിന് ഐക്യധാർഢ്യം പ്രഖ്യാപിച്ച് സംയുക്ത തൊഴിലാളി യൂണിയന്റെ നേതൃത്വത്തിൽ ടൗണിൽ പ്രകടനവും പൊതുയോഗവും നടത്തി. എസ് ടി യു ജില്ലാ സെക്രട്ടറി വി.പി.അബ്ദുറഹ്മാൻ എന്ന മണി ഉദ്ഘാടനം ചെയ്തു. സി ഐ ടി യു ഏരിയാ സെക്രട്ടറി കെ എം ഫിറോസ് ബാബു അധ്യക്ഷത വഹിച്ചു. എസ് ടി യു (മോട്ടോർ ) ജില്ലാ വൈസ് പ്രസിഡൻറ് മുഹമ്മദലി നീറ്റുകാട്ടിൽ, കെ.പി ശങ്കരൻ മാസ്റ്റർ, അഷ്റഫലി കാളിയത്ത്, കെ.വി.ഉണ്ണികൃഷ്ണൻ, കെ.മുസ്തഫ മാസ്റ്റർ, കെ.പി. യൂനുസ്, സുന്ദരൻ മാസ്റ്റർ ,പി.ജയപ്രകാശ്, സ്വാദിഖ് തങ്ങൾ, എൻ.വേണുഗോപാലൻ പ്രസംഗിച്ചു.എം.ജയകുമാർ, എം.പി.ഷാഹുൽ ഹമീദ്, കരുണാകരൻ, എം.വി.ബാലൻ, പി.മോഹനൻ നേതൃത്വം നൽകി.