എടരിക്കോട്ട് യൂത്ത് കോൺഗ്രസ് പദയാത്ര നടത്തി

എടരിക്കോട്: വർഗീയതയ്‌ക്കെതിരേയുള്ള പ്രചാരണത്തിന്റെ ഭാഗമായി എടരിക്കോട് മണ്ഡലം യൂത്ത് കോൺഗ്രസ് കമ്മിറ്റി പദയാത്ര നടത്തി. ‘തീവ്രവാദം വിസ്മയമല്ല, ലഹരിക്ക് മതമില്ല, ഇന്ത്യ മതരാഷ്ട്രമല്ല’ എന്ന സന്ദേശമുയർത്തി നടത്തിയ പദയാത്രയുടെ ഫ്ലാഗ് ഓഫ് ചുടലപ്പാറയിൽ ജില്ലാ യൂത്ത് കോൺഗ്രസ് പ്രസിഡന്റ് ഷാജി പാച്ചേരി മണ്ഡലം പ്രസിഡന്റ് ഷാക്കിർ പോക്കാടന് കൈമാറി നിർവഹിച്ചു. റാലി എടരിക്കോട്ട് സമാപിച്ചു.

സമാപനസമ്മേളനം കെ.പി.സി.സി. ജനറൽ സെക്രട്ടറി ആര്യാടാൻ ഷൗക്കത്ത് ഉദ്ഘാടനംചെയ്തു. യൂത്ത് കോൺഗ്രസ് സംസ്ഥാന വൈസ് പ്രസിഡന്റ് റിയാസ് മുക്കോളി, ഡി.സി.സി. സെക്രട്ടറി പി. ഇഫ്തിക്കാറുദ്ദീൻ, ബുഷ്റുദ്ദീൻ തടത്തിൽ, സൈതലവി കളത്തിങ്ങൽ, നാസർ തെന്നല, കെ.വി. നിഷാദ്, സിറാജ് മയ്യേരി എന്നിവർ പങ്കെടുത്തു.