മഹാനായ തങ്ങളും പ്രിയപ്പെട്ട മാഷും; പൊതുപ്രവർത്തകരുടെ ഓർമ പുതുക്കി മാറാക്കര പഞ്ചായത്ത് മുസ്‌ലിം യൂത്ത്‌ ലീഗ് കമ്മിറ്റി
മാറാക്കര: പൊതുപ്രവർത്തകരുടെ ഓർമ പുതുക്കി മാറാക്കര പഞ്ചായത്ത് മുസ്‌ലിം യൂത്ത്‌ലീഗ് കമ്മിറ്റി. കാടാമ്പുഴ മൈത്രീഭവനിൽ ‘മഹാനായ തങ്ങളും പ്രിയപ്പെട്ട മാഷും’ എന്നപേരിൽ സംഘടിപ്പിച്ച അനുസ്‌മരണസംഗമം മുസ്‌ലിംലീഗ് ദേശീയ ജനറൽസെക്രട്ടറി പി.കെ. കുഞ്ഞാലിക്കുട്ടി ഉദ്ഘാടനംചെയ്തു. യൂത്ത്‌ലീഗ് പഞ്ചായത്ത് പ്രസിഡന്റ് എ.പി. ജാഫർ അലി അധ്യക്ഷത വഹിച്ചു.
മൂർക്കത്ത് ഹംസയുടെ ഓർമയ്ക്കായി ദുബായ് കെ.എം.സി.സി. മാറാക്കര പഞ്ചായത്ത് കമ്മിറ്റി എ.സി. നിരപ്പിലെ സി.എച്ച്. സെന്ററിന് നൽകുന്ന ഹോംകെയർ സർവീസ് വാഹനത്തിന്റെയും അബുദാബി കെ.എം.സി.സി. സി.എച്ച്. സെന്ററിന് ഒരുക്കിയ ലൈബ്രറിയുടെയും സമർപ്പണവും നടന്നു. എം.എൽ.എ.മാരായ ആബിദ്ഹുസൈൻ തങ്ങൾ, എ.പി. അനിൽകുമാർ, കുറുക്കോളി മൊയ്തീൻ, മുസ്‌ലിംലീഗ് സംസ്ഥാന സെക്രട്ടറി അബ്ദുറഹ്‌മാൻ രണ്ടത്താണി, ഇസ്‌മായിൽ മൂത്തേടം, എ.പി. ഉണ്ണികൃഷ്ണൻ, കെ.എം. അബ്ദുൽഗഫൂർ, അഡ്വ. പി.വി. മനാഫ് അരീക്കോട്, ബഷീർ രണ്ടത്താണി തുടങ്ങിയവർ പ്രസംഗിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
